Wrth gydweithio â thirfeddianwyr a chymunedau lleol, rydym yn adfer dolydd ar lethrau isaf y Carneddau. Rydym hefyd yn codi ymwybyddiaeth ynglŷn â’r dolydd ac yn medru darparu cyfleon addysgiadol i bobl ddysgu am y dolydd, sut i sefydlu a chynnal dôl sy’n gyfoethog mewn rhywogaethau a’u pwysigrwydd i fywyd gwyllt.
Er mwyn rheoli dolydd mae cynnal cydbwysedd ofalus yn hanfodol. Os nad yw’r ddôl yn cael ei phori’n ddigonol gall brysgwydd ymledu a glaswelltau bras dyfu’n drech na’r fflora eraill. Fodd bynnag, gall or-bori achosi i warediad cyfan gwbl ar lysdyfiant yn ogystal â’r tir yn methu amsugno maetholion cyfoethog o achos y lefelau uchel o garthion – ac mae hyn yn arwain at laswelltir sy’n dirywio.
Aderyn bach, fel y Pila Brown, yw Llinos y Mynydd, ond mae ganddo gynffon hirach a phig byrrach. Mae ei gefn yn liw brown tywyll, brith, gyda phlu oddi tano a stribedi brown tywyll ar ei ochrau. Mae gan y gwrywod ffolen binc o’i gymharu â ffolen frown y menywod.
Mae Llinos y mynydd yn rywogaeth brin, sydd yn uchel iawn ar restr Adar o Bryder Cadwraethol yng Nghymru a’r Deyrnas Unedig, sy’n cael ei adnabod fel rhywogaeth sy’n peri’r pryder cadwraethol uchaf ac mae angen gweithredu ar frys.
Mae cymoedd Deheuol y Carneddau yn ardaloedd magu a bwydo allweddol yn y Gwanwyn a’r Hydref ar gyfer poblogaeth Llinos y Mynydd yng Ngogledd Cymru. Mae’r aderyn yn bwydo ar hadau yn bennaf, a gall dolydd fod yn ffynhonnell fwyd ar eu cyfer trwy gydol y Gwanwyn, yr Haf ac hyd at ddechrau’r Hydref.
Mae bron i 7.5 miliwn erw o dir dolydd wedi’i golli ers yr 1930au. O sgil colled y cynefin yma mae’r rhywogaethau a’r bywyd gwyllt oedd wedi ymgynefinio ynddynt wedi prinhau neu ddiflannu ar raddfa eithriadol o sydyn a dramatig.
Mae’r diffyg mewn cynefinoedd yma sy’n llawn blodau yn chwarae rhan allweddol yn nirywiad pobolgaeth y pryfaid peillio; rhywogaeth sy’n allweddol i’n hecosystemau yr ydym yn dibynnu arnynt i beillio’n cyndau ar gyfer cynhyrchu bwyd.
Edrychwch ar ein tudalen Digwyddiadau er mwyn dod o hyd i’r gweithgareddau casglu hadau a phlannu coed diweddaraf.
Edrychwch ar ein tudalen Hyfforddiant i ddod o hyd i gyfleoedd hyfforddi yn y maes adnabod coed.
Cysylltwch â ni trwy gyfrwng ein tudalen Gysylltu i dderbyn cyngor a chymorth ar sut i sefydlu a chynnal gweirgloddiau / dolydd.
Edrychwch ar ein tudalen Digwyddiadau er mwyn dod o hyd i’r gweithgareddau casglu hadau a phlannu coed diweddaraf.
Cysylltwch â ni trwy gyfrwng ein tudalen Gysylltu i dderbyn cyngor a chymorth ar sut i sefydlu a chynnal gweirgloddiau / dolydd.
Edrychwch ar ein tudalen Hyfforddiant i ddod o hyd i gyfleoedd hyfforddi yn y maes adnabod coed.
