Rydym wedi creu sawl ffilm fer am ein diwrnodau gwirfoddoli ar ein sianel Youtube. Clywch gan wirfoddolwyr eraill am eu profiadau gwirfoddoli i Bartneriaeth Tirwedd y Carneddau!
Os hoffech chi roi yn ôl i’r ardal arbennig yma, mae amrywiaeth o gyfleon gwirfoddoli ar gael gyda Chynllun Partneriaeth Tirwedd y Carneddau.
O ymgymryd â thasgau cadwraeth ymarferol ac ymchwilio i archifau hanesyddol i ddysgu sut i fapio nodweddion archeolegol gan ddefnyddio data newydd sbon – fe allwch chi fod yn ofalwr ar y Carneddau.
Amrywiaeth o gyfleon
Yma mae gweithgareddau ar gael sydd at ddant pawb, gyda chyfleon gwirfoddoli’n amrywio o ymchwil annibynnol a montiro y gellir ei wneud o adref, i waith grŵp rhyngweithiol ar y tir.
Buddion gwirfoddoli
- Ennill sgiliau, profiadau a gwybodaeth newydd.
- Rhoi rhywbeth yn ôl i’ch cymuned leol.
- Dod i wybod a gwerthfawrogi’r hyn sydd ar eich stepen drws.
- Cwrdd â phobl newydd a gwneud ffrindiau.
- Cadw’n heini a chael hwyl!
- Cymryd rhan mewn camau cadwraeth uniongyrchol.
Gweithio gyda Chymdeithas Eryri
Rydym yn gweithio mewn partneriaeth â Chymdeithas Eryri i gynnig amrywiaeth o gyfleon gwirfoddoli yn y Carneddau.
Edrychwch ar eu gwefan isod.
Profiad Hannah o wirfoddoli ar safle archaeolegol
“Ymunais heb unrhyw wybodaeth na chefndir archeolegol ac erbyn diwedd y diwrnod cyntaf roeddwn yn gofyn am aros yn hirach i ddarganfod mwy o ddarganfyddiadau Neolithig! Mae eistedd lle eisteddodd person Neolithig i greu bwyell yn brofiad emosiynol iawn. Byddaf yn ei drysori am byth (esgusodwch y pun!). Roedd pawb mor gyfeillgar a chroesawgar; allwn i ddim aros i fynd yn ôl bob dydd.”
Cymerwch olwg...
